THA Trump air a dhol an lùib cuspair neo-eisimeileachd na h-Alba a rithist agus e den bheachd an turas seo gur e rud “uabhasach” a bhiodh ann nan tachradh e; ’s e a’ gabhail dragh sònraichte mu dheidhinn farpais Fhosgailte a’ ghoilf.
Rinn Ceannard nan Stàitean Aonaichte agallamh còmhla ris an Wall Street Journal an t-seachdain seo chaidh far an tuirt e gum biodh neo-eisimeileachd na droch rud do dh’Alba agus gum biodh farpais Fhosgailte Bhreatainn ann an cunnart mar thoradh air neo-eisimeileachd. Do gach fear a sgarbh fhèin, chanainn.
Leis an Dòmhnall a’ toirt seachad a bheachd air neo-eisimeileachd a-rithist, agus le argamaid cho lag ’s a chuala mi gu ruige seo – agus tha mi air gu leòr a chluinntinn – bha mi a’ smaointinn gum b’ fhiach e coimhead air an dàimh anshocrach a tha eadarainn agus Trump.
Tha fhios againn uile gu bheil ceangal aig Dòmhnall Trump ris an dùthaich seo. Bha a mhàthair na ban-Leòdhasach, agus tha airgead mòr aige an sealbh raointean ghoilf ann an Alba. Gu dearbh, bha Trump an lùib iomairt laghail Riaghaltas na h-Alba nuair a thug e seachad fianais aig Holyrood a’ cur sìos air poileasaidhean àrainneachdail timcheall air turbainean gaoithe - rud air an robh esan a-mach a bha na bhacadh air na raointean goilf aigesan. Bhiodh e fìor a ràdh nach do rinn an duine cus chàirdean am measg luchd-poileataigs san dùthaich seo agus bha mòran aca gu math poblach ann a bhith a’ toirt taic do Hilary Clinton nuair a bha na taghaidhean Ameireaganach a’ dol.
Ach ged nach robh mòran de luchd-poileataigs na h-Alba ro mheasail air, tha beachd air a bhith aig Trump air neo-eisimeileachd bho chionn a’ chiad reifreann ann an 2014. An là an dèidh dhuinn bhòtadh an aghaidh neo-eisimeileachd bha e air Twitter ag ràdh gur a deagh cho-dhùnadh a bha ann. Bha e cuideachd a’ cur a’ choire air Alex Salmond aig an àm, ag ràdh gur e na turbainean gaoithe a chaidh “spàrradh” oirnn a b’ adhbhar nach d’fhuair sinn neo-eisimeileachd.
Is ged a chuir e gach beannachd thugainn air na meadhanan sòisealta ron reifreann ann an 2014, an dèidh do phrìs na h-ola tuiteam gu mòr ann an 2015, bha e air tilleadh gu Twitter gus cur sìos air neo-eisimeileachd a-rithist. Thuirt e gum biodh Alba “briste” nam biodh sinn air na figearan a thaobh prìs na h-ola a chreidsinn. Chan eil ciall – neo cunbhalachd – ann am facal a tha an duine ag ràdh.
Tha fhios againn gu bheil dà raon ghoilf aige ann an Alba - Meadhanaidh ann an Siorrachd Obair Dheathain agus Tùrnbearraidh ann an Siorrachd Àir - agus tuigidh sibh a-nis carson a tha dragh cho mòr air mu dheidhinn na farpais Fosgailte. Bha an raon ann an Siorrachd Obar Dheathain fo chonnspaid fad beagan bhliadhnaichean leis gun robh a’ Chomhairle, iadsan a tha a’ fuireach ann, buidhnean àrrainneachdail agus an fheadhainn a tha a’ dèanamh turbainean gaoithe an aghaidh an raoin.
Thug Riaghaltas na h-Alba cead dhan raon mu dheireadh thall, ge-tà, agus dh’fhosgail e ann an 2012. Chuir e an caoch air Trump nuair a chaidh planaichean airson tuathanas gaoithe a chur air adhart faisg air an raon, ge-tà.
Tha barrachd ann, agus bidh a’ mhor-chuid agaibh eòlach air an sin mar thà. Ach ’s fhiach cuimhneachadh air cho amaideach is a tha cuid de na rudan a tha Trump air a bhith ag ràdh (agus a’ cur air Twitter) mu dheidhinn a’ chàirdeis eadarainn. Ach seo an rud – chan eil aon phìos de na tha Trump ag ràdh a’ cur dragh oirnne a tha taiceil do neo-eisimeileachd. Gu dearbh, ’s ann a’ cur ris an iomairt a tha e.
Mar a thuirt Aonghas MacNèill BP air Twitter an dèidh dha an naidheachd mu na thuirt Trump a chluinntinn, bidh buidheann mhòr ùr de dhaoine a tha taiceil do neo-eisimeileachd aig Alba a-nis gu bheil Trump na aghaidh. ’S e an fhìrinn a tha sin.
Why are you making commenting on The National only available to subscribers?
We know there are thousands of National readers who want to debate, argue and go back and forth in the comments section of our stories. We’ve got the most informed readers in Scotland, asking each other the big questions about the future of our country.
Unfortunately, though, these important debates are being spoiled by a vocal minority of trolls who aren’t really interested in the issues, try to derail the conversations, register under fake names, and post vile abuse.
So that’s why we’ve decided to make the ability to comment only available to our paying subscribers. That way, all the trolls who post abuse on our website will have to pay if they want to join the debate – and risk a permanent ban from the account that they subscribe with.
The conversation will go back to what it should be about – people who care passionately about the issues, but disagree constructively on what we should do about them. Let’s get that debate started!
Callum Baird, Editor of The National
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here